ಫಲ್ಘುನಿಯ ತೀರದೊಳು

ನಿನ್ನೂರಿಗೆ ಹರಿಯುವ
ಫಲ್ಘುನಿಯ ನೀರಾಗಿ
ನಿನ ಮುದ್ದು ಪಾದಗಳಿಗೆ
ಮುತ್ತಿಕ್ಕುವಾಸೆ

ನಿನ್ನಂಗೈಯು ತಬ್ಬುವ
ಸಾಬೂನು ಬಿಲ್ಲೆಯೂ
ನಾನಾಗುವಾ ಆಸೆ

ಎತ್ತೆತ್ತಿ ಒಗೆಯುವ
ಆ ಬಟ್ಟೆಗಳ ಭಾಗ್ಯವ
ನನದಾಗಿಸಿ ಬಿಡು
ನನ ಜನ್ಮವೆಲ್ಲ ಖುಷಿಯೇ

ಮಣಭಾರ ಬಟ್ಟೆಗಳ
ಹೊರಲಾಗದ ನಡುಗಳಿಗೆ
ನನ್ನ ಕೂಲಿಯಾಗಿಸಿಕೊ
ನಿಯ್ಯತ್ತಿಗೆ ತಲೆಬಾಗುವೆ ನೀ

ಊರ್ಗುಂಟ ಹಾದಿಯಲಿ
ನಿನ ಕಾಡುವ ಪಡ್ಡೆಗಳ
ಮುಖ ಮೂತಿ ಒಡೆಯೋಕೆ
ನನಗೊಬ್ಬನಿಗೇ ಅನುಮತಿಸು

ಫಲ್ಘುನಿಯ ತೀರದೊಳು
ಏಕೈಕ ಮಲ್ಲಿಗೆಯೆ
ಬಾಡದೇ ಕಾಪಿಡುವೆ
ನನ್ನೆದೆಯ ತಂಪಿನೊಳು

ಈ ಮುದ್ದು ಪ್ರೀತಿಯನು
ಬೊಗಳೇಂತ ಹೇಳದಿರು
ನನ್ನವ್ವಳೂ ಅಳುತಾಳೆ
ನಾ ತುತ್ತುಣ್ಣದೆ ಕುಳಿತಾಗ
ಮರೆಯಲ್ಲಿ ಅಳುವಾಗ! !

-ಕಂದ