ಹೆಸರಿಲ್ಲದ ಹನಿಗಳು

ಬೆಂಗ್ಳೂರಿನ ಬಹುಪಾಲು
ಆಟೋ ಮೀಟರ್ ತಿರುಗೋದು
ನಿಮಗೆ ಮೀಟರ್ ಇದ್ದರೆ ಮಾತ್ರ
~~
ಇಲ್ಲೊಬ್ಬಳು ಮಹಾ ಮೋಸವ
ಮಾಡಿರುವಳು,
ಮಹಿಳಾ ಸಂಘಟನೆಗೆ ದೂರು ಕೊಡಬಹುದಾ?
~~
ನನ್ನದೇ ಸಾಲುಗಳೆಂದು ಅಭಿಮಾನಿಸುವಾಗಲೇ
ಯಾವನಾದ್ರೂ ಬರೆದ್ಬಿಟ್ಟವನಾ
ಅಂತ ಅನುಮಾನ
~~
ಮಂಚದ ಕೆಳಗೆ ನೂರಾರು ಪ್ರೇಮ ಪತ್ರ
ಎಕ್ಸಾಮು ಬುಕ್ಕೆಂದು ಎತ್ತಿಟ್ಟ ಅಮ್ಮನ ಮುಗ್ಧತೆ
ಇಂದಿಗೂ ಇರಿಯುತ್ತದೆ
~~
ಜಾತಿ ಹೆಸರಲ್ಲಿಯೇ ನಮ್ಮನ್ನು ದೋಚಿದ್ದು
ಇಂದಿಗೂ ಮೂರ್ಖರಾಗಿರುವ ನಮಗೆ
ಬ್ರಿಟೀಷರ ಬಗ್ಗೆ ಎಳ್ಳಷ್ಟೂ ಕ್ರೋಧವಿಲ್ಲ,
ಸ್ವಾಭಿಮಾನ,ಲಜ್ಜೆಯಿಲ್ಲ.
~~
ನಾ ಅಕ್ಷರಗಳ ಬಳಸಿದ್ದು,ಭರ್ಚಿಯಲ್ಲ
ಇರಿದಂತಾಗುವುದಾದರೆ
ನಿಮಗಿರುವ ಅರ್ಹತೆ
~~
ಎಸಿ ಕೋನೆಯ ಹೊಗಳಬೇಡ
ನನ್ನನ್ನೂ ಕರೆಯಬೇಡ
ನಾ ಅರಳೀ ಮರದಡಿಯಲ್ಲಿ ಬೆಳದವನು
~~
ನನ್ನ ಮಿತಿಯಲ್ಲಿ ಬಂಧಿಸಬೇಡಿ
ನನ್ನ ಚಿಲ್ಲರೆ ಕವನಗಳು
ಅನ್ಯಾಯವಾಗಿ ಸಾಯುತ್ತದೆ.

-ಕಂದ